الماتى قالاسىنىڭ پوليتسييا دەپارتامەنتٸ قاڭتار وقيعالارىنا بايلانىستى قىلمىستىق قۇقىق بۇزۋشىلىق فاكتٸلەرٸن اشۋدى جەنە تەرگەۋ جۇمىستارىن ودان ەرٸ جالعاستىرۋدا. بۇل تۋرالى الماتى پوليتسييا دەپارتامەنتٸ باستىعىنىڭ ورىنباسارى رۋستام ابدراحمانوۆ ەلەۋمەتتٸك جەلٸدە جازدى, دەپ حابارلايدى قازاقپارات.
ونىڭ ايتۋىنشا, بٷگٸنگٸ تاڭدا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە پوليتسييا دەپارتامەنتٸ مەن ونىڭ اۋماقتىق بٶلٸمشەلەرٸ 1 481 قىلمىستىق ٸستٸ تٸركەدٸ.
ولاردىڭ ٸشٸندە بٶتەننٸڭ مٷلكٸن ۇرلاۋ – 1 213, بٶتەننٸڭ مٷلكٸن قاساقانا جويۋ – 46, قارۋ مەن وق-دەرٸلەردٸ زاڭسىز ساقتاۋ فاكتٸلەرٸ بويىنشا 41 ٸس بار.
جوعارىدا اتالعان قىلمىستاردى جاسادى دەگەن كٷدٸكپەن 236 ادام ۇستالدى. ونىڭ ٸشٸندە 214-ٸنە قاتىستى سوت «كٷزەتپەن ۇستاۋ» بۇلتارتپاۋ شاراسىنا سانكتسييا شىعاردى. ٷش كٷدٸكتٸگە قاتىستى «ەشقايدا كەتپەۋ جەنە تەرتٸپتٸلٸك تانىتۋ قولحاتى» تٷرٸندە بۇلتارتپاۋ شاراسى تاڭدالدى.
«جٷرگٸزٸلگەن جەدەل-ٸزدەستٸرۋ ٸس-شارالارى نەتيجەسٸندە زاڭسىز اينالىمنان 144 اتىس قارۋى مەن 8 مىڭنان استام وق-دەرٸ تەركٸلەندٸ. نارازىلىق اكتسييالارى كەزٸندە قىلمىستىق ەلەمەنتتەرمەن الماتى قالاسىنىڭ اۋماعىندا ورنالاسقان 1 602 وبەكتٸگە شابۋىلدار جاسالىپ, دٷنيە-مٷلٸكتەر تالقاندالدى. قازٸرگٸ ۋاقىتتا پد تەرگەۋ بٶلٸمشەلەرٸ بٷلٸنگەن وبەكتٸلەردٸڭ جالپى سانىنىڭ 97%-ىن تەكسەرٸپ شىقتى. بۇل باعىتتاعى جۇمىس اياقتالۋ ساتىسىندا», - دەدٸ رۋستام ابدراحمانوۆ.
