Almaty qalasynyń bas memlekettik sanitarlyq dárigeri Jandarbek Bekshin Almaty qandai jaǵdaida tolyqtai karantinge jabylatynyn aitty, dep habarlaidy "Ult aqparat".
Jandarbek Bekshin shekteý sharalaryn jalǵastyrý kerektigin basa aitty.
«Búginde bizde 3400 tósek-oryn bar, olardyń júktemesi 40 paiyzdan aspaidy. Sonymen qatar, 7 myń rezerv tósek bar, biraq rezervter de taýsylýy múmkin. Aýrýhanaǵa táýligine 5000 adam jatqyzylsa, onda bir inkýbatsiialyq kezeń ishinde barlyq tósek-oryndardy tolyǵymen alamyz. Buǵan jol berýge bolmaidy. Eger kúnine 300 naýqas jatqyzylsa da, qala lokdaýnǵa jabylady. Ýaqtyly sharalar qabyldamasaq, onda, árine, barlyǵyn tolyǵymen jaýyp, toqtatýǵa týra keledi. Bizdiń mindetimiz - buǵan jol bermeý», - dedi ol ZOOM konferentsiiasy barysynda.
Eske salaiyq, 10 naýryzda Almaty «qyzyl» aimaqqa endi. Karantin rejimi qalada 13 naýryzdan bastap kúsheitildi. Almaty qalasynyń bas memlekettik sanitarlyq dárigeri Jandarbek Bekshin megapolis mektepterinde synyptaǵy oqýshylar sany 25-ten aspaitynyn aitqan bolatyn.
Sonymen qatar, ótken demalys kúnderi, iaǵni 13 jáne 14 naýryzda, qalada qoǵamdyq kóliktiń jumysy toqtatyldy.
