Almaty turǵyndaryna koronavirýsqa qarsy vaktsinany saýda ortalyqtarynda alýyna bolady.
Almaty qalalyq qoǵamdyq densaýlyq basqarmasynyń ókili, telemeditsina ortalyǵynyń basshysy Laýra Myrzaǵali onlain brifing barysynda qaladaǵy qandai saýda úilerde vaktsina salý jumysy júrgiziletinin aitty, dep habarlaidy "Ult aqparat".
Qoǵamdyq densaýlyq saqtaý basqarmasy qalada 56 ekpe egý kabineti baryn málimdedi. Onyń 16-y jekemenshik bolsa, qalǵany memleketke tiesili.
"Qala ákiminiń tapsyrmasy boiynsha biz Almatyǵa vaktsinanyń kóp mólsherin bólý máselesin pysyqtap jatyrmyz. Osyǵan bailanysty ákimdik pen basqarmada shtab quryldy, Jospary jasaldy. Búgin ol qala ákimimen kelisiledi.
Biz úlken biznes-qaýymdastyqty tartýdy josparlap otyrmyz. Iri saýda úilerindegi, bazarlardaǵy, mektepterdegi vaktsinatsiia pýnktteri (ashý-red.) jaily máseleler pysyqtalýda. Qazirdiń ózinde qalanyń segiz aýdanynda pýnktterdi anyqtap qoidyq. Qalada dúrligý bolmaýy kerek dep oilaimyn. Qazir vaktsinatsiiany júrgizetin dárigerler jasaqtalyp jatyr", - deidi Almatynyń qoǵamdyq densaýlyq saqtaý basqarmasynyń ókili, telemeditsina ortalyǵynyń jetekshisi Laýra Myrzaǵali.
Ol vaktsina saldyrý tańǵy 8-den bastalatynyn, aldyn-ala antideneniń bar-joǵyn anyqtaýdyń qajeti joq ekenin atap ótti. Sonymen birge, vaktsina saldyrýǵa bolatyn saýda saýda úileri men ortalyqtary ataldy.
«Qazir biz Alataý aýdanyndaǵy «Baq orda» saýda úii, Áýezov aýdanynda «Spýtnik», «Grand park», «Máskeý», «Almaty moll», «Aziia park» saýda úileri, Bostandyq aýdanynda «Mega Almaty» ortalyǵy, «ADK» saýda úii, «Esentai moll», «Forým», «Almaty», «Atakent moll» saýda úilerinde, Jetisý aýdanynda «Maksima», «Adem», «Merei» saýda úileri. Al Medeý aýdanynda «Dostyq plaza», «GÝM» saýda úileri. Túrksib aýdanynda «Mak» jáne taǵy basqa saýda núktelerin qarastyryp jatyrmyz», - dedi ol.
Qalada jalpy 31 saýda úiinde ekpe salý jumysy júrgizilmek.
«Sáýirde koronavirýsqa qarsy jappai ekpe salý bastaldy. Aldaǵy ýaqytta qalaǵa úlken mólsherde vaktsina dozasy jetkiziledi. Qazir soǵan daiyndyq jumystary júrgizilip jatyr. Qazir Almaty emhanalary ekpe salý boiynsha baza jasap jatyr, iaǵni sozylmaly dert esebinde turǵan adamdardyń tizimin jáne kimniń ekpege qarsy belgileri baryn anyqtaýda», - dedi Laýra Myrzaǵali.
