Almatyda Kalashnikov avtomatyn 3 millionǵa satpaq bolǵan er adam ustaldy, - dep habarlaidy "Ult aqparat" Polisia.kz basylymyna silteme jasap.
Bul mámileni qalalyq prokýratýranyń kelisimimen Uiymdasqan qylmysqa qarsy kúres basqarmasy toqtatty.
"Arnaiy is-shara barysynda qarý-jaraq satýmen ainalysty degen kúdikpen 42 jastaǵy A. esimdi azamat ustaldy. Ol 5,6 mm patrondardy atýǵa jaramdy AK-74 avtomatyn satty. Qarý-jaraqtyń nómiri joiylǵan, bul ony anyqtaýdy qiyndatý úshin ádeii jasaldy dep oilaimyz. Qazirgi ýaqytta QR QK-niń 287-baby 4-bóligimen sotaldy tergeýdiń biryńǵai tizilimine tirkelgen qylmystyq is aiasynda sot-ballistikalyq saraptama taǵaiyndalyp, onyń qorytyndysy boiynsha atys qarýynyń qaidan alynǵandyǵy jáne kimdiki ekendigi anyqtalatyn bolady", - dedi Uiymdasqan qylmysqa qarsy kúres basqarmasynyń basshysy Janat Nurǵaliev.
