Almaty ákimi Baqytjan Saǵyntaev injenerlik jelilerdi salý barysymen jáne jol jóndeý jobalarymen tanysty, dep habarlaidy "Ult aqparat".
Qala ákimi B. Saǵyntaev Instagram paraqshasynda injenerlik infraqurylymnyń qurylysy júrip jatqan Medeý aýdanyndaǵy eldi mekenderge jasaǵan jumys sapary týraly aitty.
«Kólsai yqshamaýdanynda sýmen qamtamasyz etý máselesi sheshimin tapqan soń, sý burý jelisi júrgiziledi. Topyraq úiindileriniń beti inertti materialmen jabylady. Dárigerlik ambýlatoriiaǵa arnalǵan ýchaskeni nemese úi-jaidy anyqtaý máselesi sheshiledi» dep jazdy B. Saǵyntaev.
Keńsai saiajaiy aýmaǵynda retsiz salynǵan qurylys saldarynan injenerlik jelilerge arnalǵan dálizder múldem joqtyń qasy.
Sondyqtan turǵyndardy aýyz sýmen qamtamasyz etýdiń túrli nusqalary qarastyrylady.
Dýman yqshamaýdanynda byltyr isten shyqqan 19 shaqyrym sýmen jabdyqtaý jáne 25,5 shaqyrym sý burý jelilerin jóndeý jumystary qaita jalǵasty.
Qazir turǵyndardyń kórsetýimen atqarylǵan jumystar synaqtan ótkizilip, aqaýlar joiylyp jatyr.
Sodan soń 53 kóshe boiyndaǵy 27,4 shaqyrym joldy jóndeý bastalady.
Almaty ákimi Dýman yqshamaýdanyndaǵy 200 adamǵa arnalǵan dárigerlik ambýlatoriianyń qurylys jobasymen tanysty.
«Jumyspen qamtýdyń jol kartasy» aiasynda jóndelgen Shýhov alańyna barǵan kezde Baqytjan Saǵyntaev kólikterdiń jasyl aimaq arqyly ótýine tyiym salýdy jáne oǵan irgeles aýmaqtardy abattandyrýdy tapsyrdy.
Budan ózge, qala ákimi jóndeý-árleý jumystary júrip jatqan Áleýmettik qyzmet kórsetý úiin aralap shyqty.
