Foto: Almaty ákimdigi
Almatyda Qala kúnine orai 200-den astam is-shara ótedi. Ortalyq alańdarda úlken sahna ornatylyp, tanymal artister óner kórsetedi. Ashyq aspan astyndaǵy barlyq kontsert pen mádeni baǵdarlamaǵa kirý tegin, dep habarlaidy Ult.kz.
Negizgi merekelik is-sharalar 18-21 qyrkúiek aralyǵynda ótedi. Kontserttik baǵdarlamalar sońǵy jyldardaǵy dástúr boiynsha tańnan keshke deiin jalǵasyn taýyp, almatylyqtarǵa erekshe kóńil-kúi syilaidy jáne Qala kúnin naǵyz otbasylyq merekege ulasady.
Merekelik is-sharalar aiasynda orkestrler, teatr artisteri, tanymal ánshiler qala ishinde arnaiy avtobýspen júrip ótedi. Olar aialdamalarǵa, kópqabatty úilerdiń aýlasyna jáne ashyq alańdarǵa toqtap, turǵyndardy performanspen tańǵaldyrady. Artister metro jolaýshylaryna da tosynsyi daiyndaǵan: vagon ishinde, beketterde tanymal artister erekshe shaǵyn-shoý kórsetedi, sondai-aq beketterde Qala kúnine arnalǵan arnaiy kórme uiymdastyrylady.
Joǵary klassikalyq mýzyka men ulttyq dástúrli ónerdiń naǵyz jankúierlerine de airyqsha kóńil bólindi – merekelik baǵdarlama dál osy jobalardan bastaý alady. Sonymen qatar jas ári tanymal oryndaýshylar men halyq artisterierekshe shyǵarmashylyq kollaboratsiia usynbaqshy. Aita keteiik, shahar turǵyndary Qala kúnin jyl saiyn qyrkúiektiń úshinshi jeksenbisinde atap ótedi.
18 qyrkúiekte saǵat 19:00-de Respýblika saraiynyń aldyndaǵy Abai alańynda «Mura» atty klassikalyq mýzyka keshi ótedi. Ashyq aspan astyndaǵy sahnada álemdik jáne qazaq klassikasynyń jaýharlary – Shtraýs pen Pýchchiniden bastap, Abai men Hasanǵalievtińtýyndylar oryndalady. Kórermenderge jetekshi opera ánshileri, hor jáne balet artisteri ónerikórsetedi. Bul keshte aryndy ariialar, iirimi tereń romanstar oryndalyp, mereke úzdik daýysieleriniń sherýine ulasady. Eýropalyq náziktik pen ulttyq mýzykanyń bailyǵy toǵysqan kontsertti tegin tamashalai alasyzdar.
19 qyrkúiekte saǵat 18:00-de Respýblika saraiynyń aldyndaǵy Abai alańynda «Án qanatyndaǵy Almaty» atty dástúrli mýzyka keshi ótedi. Bul – rýh pen muranyń shynaiy saltanaty. Sahnaǵa qazaq dástúrli óneriniń ókilderi Ramazan Stamǵaziev, Sáýle Janpeiisova, Erkin Shúkimanov, Ardaq Isataeva jáne basqa da óner maitalmandary, sondai-aq «Sazgen sazy» folklorlyq-etnografiialyq ansambli shyǵady. Artister kórermenge án, terme, jyr men kúi usynylyp, qazaq halqynyń ulttyq mýzykalyq murasynyń sulýlyǵy men tereńdiginen syr shertedi. Bul halqymyzdyń álemdik órkenietke qosqan orasan úlesi retinde kórinis tabady. Is-sharaǵa kirý tegin.
19 qyrkúiekte saǵat 19:30-da, Abai alańynda «QAZAQSHA terapiia» zamanaýi ári jarqyn jobasy kórermenge «Ǵasyrlar úni» attyteatrlandyrylǵan kontserttik spektakl usynady. Bul keshte árbir áýen ulttyq bolmysty oiatyp, ishki úilesimdilikke jeteleidi. Joba avtorlary –belgili akter Áset Esjan jáne «Alataý» dástúrli óner teatrynyń artisteri. Ulttyq mádeniet pen zamanaýi kórkemdik sheshimder toǵysatyn bul shoý erekshe oqiǵaǵa ainalmaq. Artister ár kórermengeulttyq ónerdiń bolashaqqa senimdi ári nyq qadam basyp kele jatqanyn biregei formatta kórsetýdi maqsat etedi. Is-sharaǵa kirý tegin.
20 qyrkúiekte saǵat 18:00-de «Kóktóbe» saiabaǵynda «Kók-Tóbe Opera – 2025» halyqaralyq klassikalyq mýzyka festivali ótedi. Almatylyqtar men qala qonaqtary ulttyq mýzyka óneriniń jaýharlary men álemdik klassikalyq ónerdiń altyn qoryna engen týyndylardy tyńdap, artisterdiń erekshe ónerin tamashalai alady. Is-sharaǵa kirý tegin.
20 qyrkúiek kúni saǵat 16:30-da QBTÝ ǵimaraty aldyndaǵy Astana alańynda Almaty Cover Show atty aýqymdy mýzykalyq is-shara ótedi. Ánshiler 90-jyldar men 2000-jyldardyń hitterin jańa úlgide oryndap, hit-paradty baǵyndyrǵan zamanaýi ánderdi de usynady. Keshtiń basty hedlaineri – Ninety One toby. Sondai-aq,sahnada ADAM, GETTO DOGS, «Aziia» toby, Baqyt Shadaeva, Qali, MATIN, Zarina Omarova, Arman Qońyr men Asha Matai, Erlan Kókeev, Seifýllin Jolbarys, Jeńis Ysqaqova, Jazira men Janbolat, Móldir Áýelbekova, Baǵym Muhitdenova, Toqtar men Beibit, Muhtar Hanzada jáne basqa da kóptegen tanymal ánshiler óner kórsetedi. Almaty Cover Show – klassika, retro jáne zamanaýi áýender toǵysqan naǵyz mýzykalyq marafon. Is-sharaǵa kirý tegin.
20-21 qyrkúiek kúnderi saǵat 10:00-den 18:00-ge deiin Almatynyń Arbatynda jyl saiynǵy KitapFest festivali ótedi. Bul baspalardy, jazýshylar men myńdaǵan oqyrmannyń basyn qosatyn eń iri ádebi oqiǵa. Alpysqa jýyq baspa men kitap dúkenderi qatysatyn jármeńkede qonaqtar kitaptardy jeńildikpen satyp alyp, jańa basylymdarmen tanysyp, avtorlarmen tildese alady. Merekelik atmosferany zamanaýi interaktivti aimaqtar tolyqtyrady: TrendZone – TikTok, Instagram jáne YouTube stilinde, al Estelik Zone – «Er Tóstik», «Alisa ǵajaiyptar elinde», «Diýna», «Karib teńiziniń qaraqshylary» jáne basqa da ańyzǵa ainalǵan shyǵarmalar jelisimen jasalǵan fotolokatsiialar usynylady. Balalar úshin qyzyqty kvestter daiyndalǵan: «Muzdy ólke» («Holodnoe serdtse»), «Qyzyl telpek», qazaq ertegisi «Qoshqar men Teke: Joǵalǵan qazyna» jáne «Shokolad fabrikasynyń qupiialary» jelisi boiynsha. KitapFest – bul jai ǵana kitap jármeńkesi emes, bul – eki kúnge sozylatyn otbasylyq zamanaýi shyǵarmashylyq alańy. Is-sharaǵa kirý tegin.
21 qyrkúiek kúni saǵat 10:30-da QBTÝ ǵimaraty aldyndaǵy Astana alańynda merekelik kontsert bastalady. Sahnada Roza Rymbaeva, ańyzǵa ainalǵan «Dos-Muqasan» ansambli, Zarina Altynbaeva, Jámila Serkebaeva, Birjan Hasanǵaliev, Baýyrjan Mýsin, Arýjan Danyshpan, Erlan Bainazarov, Áli Oqapov pen Mádi Rymbaev, Il canto kvarteti, «JasStars» toby, «Jańa tolqyn-2025» baiqaýynyń jeńimpazy Aleksandr Lim, Diana men Alen Samykenovter, Tólegen Rahymbaev jáne basqa da artister óner kórsetedi. Is-sharaǵa kirý tegin.
21 qyrkúiek kúni saǵat 17:00-de QBTÝ aldyndaǵy Astana alańynda «Aspan FM» mýzykalyq festivali bastalady. Qala kúnine orai kópshiliktiń súiikti radiostantsiiasy – «Aspan FM» jáne qala ákimdigi tanymal artistermen birge almatylyqtar men qala qonaqtaryna umytylmas kóńil-kúi syilaidy. Festival barysynda artister qyzyl kilem ústimen júrip ótedi. Sahnada Qairat Nurtas, TURAR, 6ellucci, «MýzArt» toby, Búrkit pen Aisha, Medeý Arynbaev, Tamara Asar, Qurmash Mahanov, Baǵlan Ábdiraiymov, Keńes Álimjan, BYTANAT, Erkesh Hasen, Aqylbek Jemenei, Alan Cherkasov, Ashat Tarǵyn, Ómirqul Ainiiazov, Zattybek Kópbosynuly, Raiym Ýais, INJU, Áziz Baltabekuly, Uljan Aǵlaqova, Jánibek Besterek, DARO, Aian Baijigit, DONY, Asyl Ulyqman, Erbolat Erjanbaev, Gúlnur Orazymbetova, Aqbota Kerimbekova, Baqyt Turman, sondai-aq «MýzArt Laif», «JasStars», «Alashuly» toptary jáne basqa da tanymal oryndaýshylar óner kórsetedi. FK KAIRAT balalar horynyń sahnaǵa shyǵyp, áigili ártistermen birge óner kórsetýi keshtiń kórigin qyzdyrmaq. Is-sharaǵa kirý tegin.
21 qyrkúiek kúni saǵat 10:00-den 19:00-ge deiin Panfilov jaiaý júrginshiler kóshesinde aýqymdy Digital Fest Almaty tsifrlyq festivali ótedi. Mádeniet salasyndaǵy mádeni is-sharalardy uiymdastyrý men ótkizý barysynda jasandy intellekt quraldary kún sanap keńinen qoldanylyp keledi, al mundai mereke qala turǵyndaryn jańa tsifrlyq sheshimdermen tanystyratyn biregei alańǵa ainalýda. Biyl da dástúrge sai Panfilov kóshesi innovatsiia ortalyǵyna ainalyp, árbir jan tsifrlandyrýdyń múmkindikterin kórip, sezine alady. Qonaqtardy «Bolashaq sferasy», «Tsifrlyq alma», VR-kózildirigi arqyly túrli oiyndar, «Kaleidoskop» fotozonasy jáne basqa da qyzyqty digital-alańdar kútedi. Panfilov kóshesinde robot-sýretshiqonaqtardyń portretterin salady, robot-fotograf pen robot-operator merekelik atmosferany naqty ýaqyt rejiminde túsirip otyrady. Osyndai tsifrlyq keiipkerler festivaldi kórneki ǵana emes, barynsha interaktivti etedi. Festival otbasyny, jastar men tehnologiia salasynyń mamandaryn jáne búginnen-aq bolashaq álemine qadam jasaǵysy keletinderdi biriktiredi. Is-sharaǵa kirý tegin.
21 qyrkúiek kúni saǵat 10:00-den 21:00-ge deiin Tuńǵysh Prezident saiabaǵynda «Alma Fest – 2025»alma festivali ótedi. Dástúr boiynsha saiabaq aýmaǵy molshylyq pen ulttyq dástúrlerdiń aýqymdy merekesine ainalady. Qonaqtar úshin alma jármeńkesi, etnoaimaq, qolóner jáne gastronomiialyq alańdar, balmuzdaq festivali, ashyq aspan astyndaǵy kinoteatr jáne basqa da qyzyqty is-shara uiymdastyrylady. Fermerler 100 tonna alma alyp keledi.
Kúni boiy DJ Dimash, DJ Angel, DJ Akhmetoff jáne DJ Big Boy syndy tanymal didjeiler áýenmen árleidi. Merekeniń sharyqtaý shegi úlken kontsertti aitýǵa bolady. Sahnada Áli Oqapov, QANAY, Erkesh Hasen, Royals Band, Talisman Band, ADEMI, BONAPART, ASTRA, Akimmich, Kesh You, Aya Funk, COLORIT, IONE jáne From.KZ óner kórsetedi.
Alma Fest – mýzyka, dástúr, gastronomiia jáne ashyq aspan astyndaǵy otbasylyq demalysty toǵystyratyn kúzdiń eń jarqyn oqiǵalarynyń biri bolmaq. Is-sharaǵa kirý tegin.
21 qyrkúiek kúni saǵat 12:00 men 15:00-de Tuńǵysh Prezident saiabaǵynda almatylyqtar men qala qonaqtaryn áserli tsirk shoýy kútedi. Ol úshin saiabaqta arnaiy Shapito ornatylady. Akrobattar, áýe gimnasttary, jonglerler, sheber ekvilibrister jáne kóńildi saiqymazaqtar óner kórsetip, kórermenderge kóterińki kóńil-kúi syilaidy. Biletterdi is-shara kúni shatyr janyndaǵy kassadan alýǵa bolady. Baǵasy –3000–4000 teńge aralyǵynda.
Jalpy, Almatyda Qala kúni aiasynda qalanyń barlyq aýdanynda ekologiialyq aktsiia, jalpyqalalyq senbilik, fleshmob, ár kitaphanada ádebi kesh, mýzeilerde taqyryptyq kórme ótedi. Budan bólek, áleýmettik mańyzy bar nysandardyń ashylýy, sporttyq jarystar, mádeni jáne qoǵamdyq is-sharalar uiymdastyrylady. Is-sharalar josparyn Almaty qalasy ákimdiginiń resmi saitynan kórýge bolady.
