QR UQK Almaty qalasy boiynsha departamenti sintetikalyq esirtkilerdi daiyndaityn jasyryn esirtki zerthanasyn anyqtady, - dep habarlaidy «Ult aqparat».
Departamenttiń habarlamasynda jazylǵandai, 24 qazanda jedel-izdestirý sharalaryn ótkizý nátijesinde Almaty qalasynyń turǵyny A esimdi turǵyny ustalǵan.
«Zerthana jaiynda 2 kg jýyq sintetikalyq esirtkiler (balama túrde 2 myń dozaǵa jýyq) jáne 526 litr prekýrsorlar alynyp, olar sot-himiialyq saraptamaǵa jiberildi» delingen habarlamada.
Daiyn psihotropty zattardy satý «Telegram» jáne «VIPole» áleýmettik messendjerlerindegi ǵalamtor-dúkenderi arqyly júzege asyrylǵan.
«Ustalǵan A esimdi azamattyń turǵylyqty jeri boiynsha sondai-aq, esirtki satatyn iri ǵalamtor-dúkenderiniń biri «Altyn Orda» logotipi bar vizit kartochkasy men ottyq shaqpaq alyndy» dep habarlandy.
Aita keteiik, atalǵan fakti boiynsha QR UQK Almaty qalasy boiynsha departamenti QK 297-baby 3-tarmaǵy boiynsha qylmystyq is qozǵady. Ustalǵan adam tergeý izoliatoryna qamaldy. Sotqa deiingi tergeý amaldary jalǵasýda. Is-sharalar ulttyq qaýipsizdik organdary ótkizip jatqan arnaiy operatsiiasynyń zańdylyǵyna qatań qadaǵalaý jasaǵan, Almaty qalasynyń prokýratýrasymen birlesip júzege asyryldy.
