Almatyda dúken tonaǵandardy ustaý jumystary jalǵasyp jatyr. Politsiia qyzmetkerleri megapoliste tonaý faktisine qatysy bar degen kúdikpen bir er adamdy ustady, dep habarlaidy QazAqparat.
Alataý aýdandyq politsiia basqarmasynyń qyzmetkerleri úidi aralaý barysynda 42 jastaǵy K.esimdi azamatty ustady. «Samǵaý» shaǵyn aýdanyndaǵy turǵyn úidi tekserý kezinde «Volkswagen» avtokóliginen tonaý kezinde urlanǵan taýarlar tabylyp, tárkilendi.
«MTs 106, K-12 markaly tegis uńǵyly myltyq; 5 qalta pnevmatikalyq patron; 5 optikalyq kózdeýish; bir oq ótkizbeitin kiim; saper kúregi men 6 áskeri shalbar belbeýi – qarý-jaraq dúkenine shabýyl jasaý kezinde urlanǵan. Qurylys marketinen kúdikti 3 shóp shabatyn qural; sorǵylar, qurylys keptirgishi, mai batareialary jáne basqa da qurylys jabdyqtaryn alyp ketken», - dep habarlady politsiiadan.
Atalǵan fakti boiynsha Almaly jáne Áýezov aýdandarynyń politsiia basqarmalarynda sotqa deiingi tergeý amaldary bastaldy.
