Almatyda enesine zorlyq-zombylyq kórsetti degen kúdikpen er adam ustaldy. Oqiǵa onyń jubaiy politsiiaǵa aryzdanǵannan keiin belgili bolǵan, dep habarlaidy ult.kz.
Oqiǵa 17 tamyzda bolǵan. Aldyn ala málimet boiynsha, kúdikti 1961 jyly týǵan enesiniń úiine «shai ishýge» kelgen. Keiin áieldiń dármensiz jaǵdaiyn paidalanyp, oǵan jynystyq sipattaǵy zorlyq-zombylyq áreketterin jasaǵan degen kúdikke ilingen.
Jábirlenýshi úsh jyl buryn aýyr jol-kólik oqiǵasyna túsip, sodan beri densaýlyǵyna bailanysty qiyndyqtarǵa tap bolǵan. Onyń qyzynyń aitýynsha, anasynyń jaǵdaiyna qaramastan, ol úsh balasyn tárbielep otyr, olardyń biriniń erekshe qajettiligi bar.
Oqiǵadan keiin áieldiń qyzy óz kúieýiniń ústinen politsiiaǵa aryz bergen.
Buǵan deiin istiń sozylyp ketkeni týraly aqparat taraǵan. Buǵan sot-meditsinalyq saraptamaǵa qatysty qujattardyń durys toltyrylmaýy jáne politsiia men sarapshylar arasyndaǵy biýrokratiialyq máseleler sebep bolǵany aitylǵan.
