Almatyda koronavirýs juqtyrǵan naýqastardyń sany ósýde. Bul týraly Almaty qalasynyń sanitarlyq-epidemiologiialyq baqylaý departamenti málim etti, dep habarlaidy "Ult aqparat".
«Almatyda epidemiologiialyq ahýal nasharlap barady. Pandemiia bastalǵaly beri megapoliste koronavirýs infektsiianyń 39 655 jaǵdaiy tirkeldi (100 myń turǵynǵa shaqqanda 1 948,9). Jyl basynan beri 21134 adam indet juqtyrdy (100 myń turǵynǵa shaqqanda 1 038,7), naýryzda - 9 525 jaǵdai tikelse, 8 sáýirde - 5 057 adamnan indet shyqty. Ótken táýlikte 717 almatalyqtan koronavirýs infektsiiasy tabyldy. Kúndelikti ósim 1,8 qurady», - dep atap ótti departamenttiń baspasóz qyzmeti.
Epidemiologtardyń aitýynsha, qazirgi ýaqytta koronavirýstyń úshinshi tolqyny jalǵasýda. Bul mýtatsiialanǵan shtamdarǵa bailanysty bolyp otyr.
«1 jasqa deiingi balalar arasynda KVI aýrýynyń ósýi jalǵasýda, qazirgi tańda aptasyna 64 jaǵdaiǵa deiin jetti: naýryzdyń 1-shi aptasy - 12 jaǵdai (KVI – nyń ádettegi aǵymy), 2-shi aptada – 27 jaǵdai (mýtatsiialanǵan shtammdardy tirkeýdiń bastalýy), 3-shi aptada – 41 jaǵdai, 4-shi aptada – 54 jaǵdai, sáýirdiń 1-shi aptasynda - 64 jaǵdai, iaǵni 1 jasqa deiingi balalar arasynda KVI jaǵdailarynyń aptalyq tirkelýi mýtatsiialanǵan KVI shtammdarynyń taralýyna qaraǵanda 5,3 ese; 14 jasqa deiingi balalar arasynda – 107 jaǵdaidan 372 jaǵdaiǵa deiin, iaǵni 3,5 esege ósti»,- dep habarlady departamentten.
