Foto: gov.kz
Almatyda turǵyndardyń shaǵymynan keiin eki turǵyn úidiń qurylysy toqtatyldy. Ákimdiktiń habarlaýynsha Bostandyq aýdanynda Rozybakiev-Kataev-Radostovets kósheleriniń alańynda "CAMH Realty" jáne "VEK-Tumar" kompaniialary qurylys-montaj jumystaryn júrgizip jatyr, dep habarlaidy Ult.kz.
“Egjei-tegjeili josparlaýǵa sáikes, atalǵan aýmaqta mektep qurylysy qarastyrylǵan. Osyǵan bailanysty turǵyn úi qurylysynyń jekelegen jobalaryn iske asyrý bilim berý nysany úshin jer ýchaskesiniń shekaralary naqtylanǵanǵa deiin keiinge qaldyryldy. Turǵyndarmen, sondai-aq "CAMH Realty" kompaniialary men "VEK-Tumar" JShS ókilderimen kezdesýdiń nátijesi boiynsha Sáýlet jáne qala qurylysy basqarmasynyń jobalyq qujattamaǵa qajetti túzetýler engizgenge deiin qurylysty toqtata turý jáne shekaralardy naqtylaý týraly ýaǵdalastyqqa qol jetkizildi”, – delingen habarlamada.
Aldaǵy ýaqytta sheshimder qala turǵyndarynyń múddeleri men qoldanystaǵy zańnamanyń talabyn eskere otyryp qabyldanatyn bolady. Bul másele Almaty qalasy ákimdiginiń baqylaýynda.
