Almatyda eki kún boiy qar jaýyp tur. «Qazgidromet» RMK boljamynsha, qardyń jaýýy 17 naýryzǵa deiin tolastamaidy, dep habarlaidy "Ult aqparat".
Kóktaiǵaqtyń aldyn alý úshin qar jaýǵan kezden bastap joldarǵa, qiylystar men jolairyqtardyń kireberisterine, taý bókteri men taýly aimaqtarǵa kóktaiǵaqqa qarsy material sebilip, qar tazalandy. Kóktaiǵaqqa qarsy 3920 tonna material paidalanyldy.
Trotýarlardy, jaiaý júrginshiler aimaqtaryn, qoǵamdyq kólik aialdamalaryn, avtoturaq qaltalaryn, jer ústi ótkelderin jáne ortaq paidalanylatyn jerlerdi tazartý jumystary júrgizilip jatyr.
Tańerteńgi qar tazalaýǵa 564 arnaiy tehnika men 1140 jumysshy jumyldyrylǵan.
Qala kóshelerine 5-6 sm, taýly aimaqtarda 20 sm-ge deiin qar jaýdy. Qazgidromettiń boljamy boiynsha, 17 naýryzǵa deiin aýyq-aýyq jańbyr men qar aralas jaýyn-shashyn kútilýde.
Aýdandyq ákimdikter men qala ákimdiginde qar tazalaý jumystaryn táýlik boiy baqylaityn kezekshilik uiymdastyrylǵan.
