Almatyda Rysqulov kóshesindegi eki qabatty ǵimarattan órt shyqty, dep habarlaidy "Ult aqparat".
Qalalyq tótenshe jaǵdailar departamenti baspasóz qyzmetiniń málimetinshe, 4 sáýir kúni túski saǵat 13:22-ta Almaty TJD kezekshi bólimine Alataý aýdany, Rysqulov dańǵyly kóshesinde ornalasqan ǵimarattyń órtenip jatqany týraly aqparat tústi.
«TJD kúsh-quraldary joǵary dárejeli shaqyrtý boiynsha Alataý aýdany, Rysqulov dańǵyly, 258 mekenjaiyna jiberildi. Alǵashqy órt sóndirý bólimsheleri kelgende eki qabatty ǵimarattyń ashyq jalynmen janyp jatqany anyqtady. Gaz-tútinnen qorǵaý qyzmetiniń býynymen barlaý barysynda ǵimarattiń ishinde adamdar tabylǵan joq, órt oqpandary berilip, órt avtotsisternalary órt gidranttaryna ornatyldy, sýdyń úzdiksiz berilýi qamtamasyz etildi. Órt bolǵan jerge 18 tehnika men 60 adam jumyldyryldy» dep habarlady departamentten.
Órt saǵat 14.17 kezinde tolyq sóndirildi. Oqiǵa ornynan 25 l gaz ballony eakýatsiialandy.
Eshkim zardap shekken joq.
