oto: Adyrna.kz
2 qazanda Almaty qalasynda Qazaqstan Jazýshylar odaǵynyń uiymdastyrýymen qazaq detektiviniń qalyptasý tarihy men janrlyq erekshelikterine arnalǵan «Detektiv janrynyń darabozy» atty halyqaralyq ǵylymi-tájiribelik konferentsiia ótti.
Konferentsiia aiasynda «Qazaq detektiv janrynyń negizin qalaýshy», «Otan úshin ot keshý», «Jýrnalist – qoǵamnyń ainasy, qulaǵy hám tili» atty taqyryptyq sektsiialar uiymdastyryldy.
Konferentsiiada elimizdegi detektiv janrynyń damýy men ereksheligin talqylaý barysynda «qazaq detektiviniń atasy» atanǵan jazýshy Kemel Toqaevtyń ómiri men shyǵarmashylyǵyna qatysty derekter men tyń tujyrymdar talqylandy. Osydan 100 jyl buryn dúniege kelgen jazýshynyń «Sarǵabanda bolǵan oqiǵa», «Kóshpendi úidiń qonysy qaida?», «Taýdaǵy jańǵyryq», «Kómeski iz», «Soldat qabiriniń basynda» atty týyndylary qazaq ádebietindegi detektiv janrynyń alǵashqy qarlyǵashtary sanalady.
Shytyrman oqiǵaly povesteri qazaq prozasyna tyń úrdis ákelgen jazýshynyń shyǵarmalary álemniń birneshe tilderine aýdarylǵan. Sarapshy ǵalymdar Kemel Toqaev tek qazaq detektiv janrynyń ǵana emes, Ortalyq Aziia ádebietinde osynaý biregei janrdyń damýyna erekshe úles qosqan jazýshy ekenin atap ótti.
Konferentsiia jumysyna Qazaqstan, Ózbekstan, Qyrǵyzstan, Resei memleketteriniń shyǵarmashylyq ziialy qaýym ókilderi qatysty.
Atap aitqanda, TÚRIKSOI uiymynyń bas hatshysy Sultan Raev, Ózbekstan Jazýshylar odaǵynyń múshesi Minhojiddin Hodjimatov, Qyrǵyzstan Jazýshylar odaǵynyń Tóraǵasy Nurlan Qalybekov, Resei ǵylymynyń eńbek sińirgen qairatkeri, professor, detektiv janrynyń áigili jazýshysy Dmitrii Shestakov, tanymal otandyq jazýshylar Dýlat Isabekov, Ahmetjan Ashiri, Qulbek Ergóbek, Qanseiit Ábdezuly, Nurlan Orazalin, Smaǵul Elýbai, Jańǵara Dádebev jáne taǵy basqa qalamgerler, ǵylym jáne óner qairatkerleri qatysty.
Konferentsiia qorytyndysy boiynsha spikerler men sarapshylardyń baiandamalary arnaiy jinaqqa basylyp shyǵady.
