Tanymal mánerlep syrǵanaýshy, Olimpiada-2014 qola júldegeri Denis Tenniń týylyp, ómir súrgen úiine eskertkish taqta ornatyldy, dep habarlaidy QazAqparat tilshisi.
Denis Ten ólimine kúdiktilerdi qamaý merzimi taǵy 15 táýlikke uzartyldy Denis Ten ólimin tergeý aiaqtalýǵa jaqyn - Qalmuhanbet Qasymov Almaty teatrynda Denis Tenge arnalǵan qoiylym sahnalanady
«Biz áigili chempionamyzdy umytpas úshin túrli is-sharalar ótkizetin bolamyz. Onyń otbasymen birge batyrymyzdyń bolashaq eskertkishiniń keskinin jasap jatyrmyz. Barlyq daiyndyq jumystarynan keiin eskertkish kóktemde ornatylady dep úmittenemiz. Ákimdik Denis Tenniń qurmetine dástúrli halyqaralyq týrnir ótkizýdi josparlap otyr. Onyń naqty kúnin sport qoǵamdastyǵymen jáne Denistik anasymen kelisemiz», - dedi Almaty ákiminiń orynbasary Arman Qyryqbaev.
Ashylý rásimine Keńes Odaǵynyń jáne Resei bapkeri Tatiana Tarasova qatysty. Ol Denis Tenniń uly jigit bolǵanyn aitty.
QR Halyq ártisi Roza Rymbaeva atap ótkendei, Denis - tazalyqtyń, patriottyń simvoly, naǵyz batyr, qatarlastaryna úlgi bolǵan azamat.
Búgin qonaqtardyń qatysýymen Halyq Arenada Denis Ten atyndaǵy keńse ashylady.
Aita keteiik, tanymal qazaqstandyq mánerlep syrǵanaýshy Denis Ten 2018 jyldyń shildesinde Almatyda óltirildi. Sportshyny kólik tonaýshylar pyshaqtap ketken edi.
