Almatyda dári-dármektiń jetkilikti qory bar. Bul týraly onlain brifing barysynda Almaty qalasy dári-dármekpen qamtamasyz etý jónindegi úilestirýshisi, «Almaty Finance» basqarmasynyń tóraǵasy Timýr Hairov aitty, dep habarlaidy "Ult aqparat".
Onyń aitýynsha, koronavirýsqa qarsy dárilik preparattardyń turaqtandyrý qory Almaty qalasy ákimdiginiń 2020 jylǵy shildedegi sheshimimen quryldy. Oǵan shamamen 5 mlrd teńge bólindi.
«Farmatsevtikalyq kompaniialar 47 mln birlikten astam dárilik quraldar jáne 68 pozitsiia boiynsha meditsinalyq buiymdar satyp alýdy júzege asyrdy. Shamamen 27 mln birlik dárilik quraldar Almaty qalasynyń dárihanalaryna jetkizildi jáne qoimalarda shamamen 20 mln preparat bar, onyń 8 mln preparaty azaitylmaityn qaldyqty quraidy»,- deidi Timýr Hairov.
Sonymen qatar, ol qalanyń aýdan ákimdikteri KVI-di emdeý hattamasyna kiretin 22 negizgi pozitsiia boiynsha 375 dárihanaǵa júieli túrde monitoring júrgiziletinin atap ótti.
«Biylǵy jyldyń 21 qańtarynda kardiomagnil 150 mg №100 jáne kardiomagnil 75 mg №100 preparattaryna jańa shekti baǵalar bekitilgen. Atalǵan ózgerister qalǵan dárilerdiń qaita baǵalaýyn júrgizý, kóterme satý distribiýtorlarymen jáne bólshek satý jelilerimen qaita sharttar jasasý qajettigine bailanysty, búkil Qazaqstan boiynsha dárihana jelilerine keibir preparattardyń jetkiziliminiń ýaqytsha qiyndyqtaryn týdyrdy. Jekelei alǵanda, Kardiomagnil preparaty jetkizilimniń ýaqytsha kidiristeri boldy. Biraq, qala dárihanalarynda «Atsetilsalitsildy qyshqyl» halyqaralyq patenttelmegen ataýymen sondai basqa da preparattar boldy. Olar Trombopol NEO, Ass trombin, Trombo ASS jáne basqa da osy sekildi dáriler»,-deidi spiker.
«Emiti», «Zerde» kóterme kompaniialar qazir kardiomagnildyń jańa shekti baǵalaryna sáikes shamamen 11 myń oramyn aldy jáne olardy bólshek satý úshin Almaty qalasynyń dárihanalaryna jetkizýde. «Emiti» kompaniiasy preparatty 1 dárihanamen qatar, jeke dárihana jelisi arqyly da bólshek satýmen ainalysatyn 77 zańdy tulǵaǵa, «Zerde» 43 zańdy tulǵaǵa jóneltti.
