Foto: ashyq derekkóz
Almaty ákimi Darhan Satybaldy Ulybritaniianyń jetekshi joǵary oqý oryndarynyń biri Coventry University ókilderimen kezdesý ótkizdi. Kezdesý barysynda Almatyda injenerlik kampýs ashý máselesi talqylandy, dep habarlaidy Ult.kz.
2024 jyly Coventry University Kazakhstan-nyń alǵashqy kampýsy Astanada ashylǵan bolatyn. Qazir onda 360-tan astam stýdent oqidy. Oqý aǵylshyn tilinde júrgiziledi, ýniversitette Ulybritaniiadan kelgen mamandar jumys isteidi.
Almatyda ashylatyn jańa kampýsta mashina jasaý, elektr qýaty, atom energetikasy jáne qurylys salalarynda injenerler daiarlanady. Ýniversitet biznes, qalalyq qurylymdar jáne joǵary oqý oryndarymen tyǵyz yntymaqtastyq ornatýdy josparlap otyr.
Ákimdik qalanyń kadrlyq jáne tehnologiialyq áleýetin damytýǵa baǵyttalǵan bilim berý bastamalaryn qoldaýǵa daiyn ekenin bildirdi.
