Almatyda burynǵy áriptesin zorlaǵan er adamǵa qatysty sot úkimi shyqty, dep habarlaidy QazAqparat.
Almaty qalasy Politsiia departamentiniń Tergeý basqarmasynyń málimetinshe, sot Sh. esimdi azamatqa qatysty qylmystyq iske núkte qoidy.
«Jańa jyl qarsańynda Sh. esimdi azamat buryn ózimen birge jumys istegen B. esimdi azamatshany birlesip korporativtik jańa jyldyq keshter uiymdastyramyz degen syltaýmen kelissózder júrgizýge shaqyrǵan. Osy maqsatta er adam aldyn ala jalǵa beriletin páterdi jaldap, onda jábirlenýshi aparǵan. Onda ony uryp-soǵyp, birneshe saǵat zorlaǵan, sondai-aq, jynystyq sipattaǵy basqa da zorlyq-zombylyq áreketterin jasaǵan. Qazir kúdikti ustaldy jáne ýaqytsha ustaý izoliatoryna qamaldy. Júrgizilgen sotqa deiingi tergeý amaldarymen Sh. esimdi azamattyń kinási tolyq dáleldendi», – dedi Almaty qalalyq Politsiia departamenti bastyǵynyń orynbasary Rústem Ábdirahmanov.
Medeý aýdany aýdandyq sotynyń úkimimen Sh. esimdi azamat QR QK-niń 120-baby 1-bóligi, 121-baby 1-bóligimen kináli dep tanylyp, alty jylǵa bas bostandyǵynan aiyryldy.
