Almatyda tanymal reseilik bloger Gýsein Gasanov qatysqan saýyq keshine bailanysty tekserý júrip jatyr, - dep habarlaidy Tengrinews.kz qalalyq Sanepidbaqylaý departamentine silteme jasap.
"Almaty qalasy "qyzyl" aimaqta tur. Epidemiologiialyq ahýal shielenisip tur. Uiymdar men mekemelerdiń jumysyna engiziletin shekteýler epidemiologiialyq jaǵdaiǵa bailanysty qabyldanady jáne bári ony oryndaýy tiis. Tanymal reseilik bloger Gýsein Gasanov qatysqan keshke qatysty departament tekserý júrgizedi. Nátijesinde atalǵan tulǵalardy jáne sharany uiymdastyrýshylardy jaýapkershilikke tartý týraly sheshim qabyldanady", - dedi departamenttiń baspasóz qyzmetiniń ókilderi.
Buǵan deiin Independ.kz portaly Gýsein Gasanov qaladaǵy kóńil kóterý ortalyqtarynyń birinde bolǵanyn habarlaǵan edi. Monitoring toby bloger jáne basqa da adamdardyń ústinen túsken bolatyn.
