Almaty qalasy qoǵamdyq densaýlyq basqarmasynyń ókili, telemeditsina ortalyǵynyń basshysy Laýra Myrzaǵali onlain brifing barysynda qaladaǵy epidemiologiialyq ahýal týraly aitty, dep habarlaidy "Ult aqparat".
«Búgin tańerteńgi aqparat boiynsha 585 adamnyń koronavirýs juqtyrǵany anyqtaldy. Munyń ishinde 490-y simptomdy, jeńil jáne ortasha deńgeidegi belgilermen, 95-i simptomsyz aýyrǵan. Biraq bul kórsetkish deńgeii táýliktiń sońyna deiin ózgerýi múmkin»,- deidi ol.
Laýra Myrzaǵalidiń aitýynsha, Almatyda koronavirýs juqtyrý jaǵdaiy ósip otyr.
«Osy sátte statsionarda 3 146 naýqas jatyr, bul san keshke deiin ózgerýi múmkin. Bir táýlikte 309 naýqas kelip tústi. Búginde bos tósek-oryndar sany 1 080 quraidy. Naýqastardy syrqatynyń deńgeiine qarai eshelon boiynsha bólip jatqyzamyz. Syrqaty jeńil túrde ótip jatqandar úi karantininde, iaǵni 5 251 adam dárigerlerdiń baqylaýynda. Telemeditsina ortalyǵy barlyq naýqaspen bailanysqa shyǵyp, jaǵdailaryn bilip otyrady», - dedi Laýra Myrzaǵali.
Aita keteiik, 9 sáýir kúni Almatyǵa koronavirýsqa qarsy vaktsinanyń 57 myń dozasy jetkiziledi.
