Foto: © Sputnik/Ertai Sarbasov
Almaty qalasy Bilim basqarmasy memlekettik satyp alý bóliminiń basshysy ustaldy, - dep habarlaidy "Ult aqparat" Antikor baspasóz qyzmetine silteme jasap.
"Almaty qalasy boiynsha Sybailas jemqorlyqqa qarsy qyzmet qala prokýratýrasynyń úilestirýimen Bilim basqarmasynyń memlekettik satyp alý bóliminiń basshysyn ustady.
Ol megapolistiń bilim berý mekemelerinde jetim balalar men ata-anasynyń qamqorlyǵynsyz qalǵan balalarǵa arnalǵan lager uiymdastyrý boiynsha qyzmet kórsetýshiden 12 mln teńgeden astam somada 10% para alýǵa áreket jasady degen kúdikke ilinip otyr.
Para jetkizýshi balalar lagerin tolyqqandy uiymdastyrý úshin qajet materialdyq jáne eńbek resýrstaryna ie bolmasa da, konkýrstyń jeńimpazy bolyp tanylǵany anyqtaldy.
Laýazymdy adam sottyń sanktsiiasymen qamaýǵa alyndy" - delingen habarlamada.
Qylmystyq-protsestik kodekstiń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
