Almatylyq belsendiler «Tańbaly» qoryq-mýzeiinde ekosenbilik ótkizdi, dep habarlaidy QazAqparat.
Is-sharany Qazaqstannyń ekologiialyq uiymdarynyń qaýymdastyǵy, Eýropadaǵy qaýipsizdik jáne yntymaqtastyq uiymynyń Nur-Sultan qalasyndaǵy baǵdarlamalyq ofisi, «Almaty arýy» baiqaýynyń direktsiiasy, respýblikalyq «Jas ulan» balalar jáne jasóspirimder uiymy men «Eco World» JShS uiymdastyrdy.
Senbilikke Almaty qalasynyń eriktileri, «Almaty arýy» baiqaýynyń finalisteri jáne qala turǵyndary barlyq qaýipsizdik sharalaryn eskere otyryp qatysty.
«Senbilik jastardyń nazaryn ekologiialyq problemalarǵa, onyń ishinde qorshaǵan ortanyń lastanýyna aýdaryp, sondai-aq ekologiialyq mádenietti qalyptastyrýǵa jáne eriktiler qyzmetin damytýǵa baǵyttalǵan», - dep atap ótti uiymdastyrýshylar.
Biylǵy shilde aiynda Qazaqstannyń ekologiialyq uiymdar qaýymdastyǵy Nur-Sultan men Almaty qalalarynda qoqysty azaitý úshin «StopMusor» áleýmettik jobasyn iske qosqan bolatyn.
«StopMusor» jobasy qala turǵyndarynyń saýaty men áleýmettik jaýapkershiligin arttyrýǵa, mádenietti damytýǵa, qoqysty azaitý úshin turǵyndar arasynda turmystyq qaldyqtardy kádege jaratýǵa baǵyttalǵan.
Uiymdastyrýshylardyń aitýynsha, aktsiia barysynda turmystyq qatty qaldyqtar túrine qarai bólek jinaldy. Qaitalama shikizat qaita óńdeýge jiberildi.
