Almaty politsiiasy er adamdy kúshpen kólikke mingizip áketpekshi bolǵandar týraly videoǵa túsinik berdi, dep habarlaidy QazAqparat.
Áleýmettik jelide taraǵan video avtorynyń sózinshe, oqiǵa Gagarin – Sátbaev kósheleriniń qiylysynda boldy. Onda belgisiz bireýler eldiń kózinshe er adamdy kólikke kúshtep mingizýge tyrysyp jatqanyn kórýge bolady.
«Video boiynsha tekseris júrgizildi. Anyqtalǵandai, Almaty qalasynyń turǵyny – K. esimdi 51 jastaǵy azamat ózin aldap, aqshasyn iemdenip ketken er adamdy ustaýǵa tyrysqan. Ol bul jóninde politsiiaǵa biylǵy 10 maýsymda aryz jazǵan bolatyn.
Belgili bolǵandai, keshe keshke K. esimdi azamat kúdiktini kezdestirip qalyp, ony ustaýǵa tyrysqan. Alaida, ol qashyp ketken.
Basqa jaǵdailar anyqtalyp jatyr», - dep habarlady politsiiadan.
