Almaty qalasy qoǵamdyq densaýlyq basqarmasy basshysynyń orynbasary Laýra Myrzaǵali memlekettik qyzmetten bosatyldy, dep habarlaidy Sputnik Qazaqstan KTK arnasyna silteme jasap.
Qalanyń etika keńesiniń sheshimimen sheneýnik áiel tártiptik jazaǵa tartyldy.
"Almaty qalasy etika keńesiniń sheshimi negizinde Almaty qalasynyń qoǵamdyq densaýlyq basqarmasy basshysynyń orynbasary Laýra Myrzaǵali memlekettik qyzmettiń bedelin túsiretin áreket jasaǵany úshin tártiptik jazaǵa tartyldy. Qazirgi kezde ol memlekettik qyzmetten jumystan shyǵaryldy", - delingen ákimdiktiń resmi habarlamasynda.
Endi Myrzaǵali úsh jyl boiy memlekettik qyzmetke tura almaidy.
Aita keteri, biyl sáýir aiynda jelide taraǵan videodan keiin Laýra Myrzaǵalidi qyzmetten ýaqytsha shettetken bolatyn. Jazbada Myrzaǵali qol astyndaǵy qyzmetkerlerge dóreki sóilep, artyǵymen jazyp bergen syiaqyny berýdi talap etken.
