Almatyda 2020 jyldyń qazanynda bank tonaǵan úsh adam sottaldy. Úkim Almaly aýdandyq sotynda maýsymda jariialanǵan, tamyzda qalalyq sottyń apelliatsiialyq komissiiasy birinshi instantsiianyń úkimin ózgerissiz qaldyrdy, - dep habarlaidy Tengrinews.kz saity.
Joǵarǵy sottyń saitynda jariialanǵan is materialynda úsh aiyptalýshy bary aitylady. Olar: Almaty turǵyndary - 35 jastaǵy Nartai Ómirzaqov, 35 jastaǵy Igor Stepanov jáne 29 jastaǵy Baýyrjan Ábilkárimov. Árqaisysy tonaý kezinde belgili bir ról atqarǵan. Nartai Ómirzaqov jaldamaly kólikte otyryp, qaýip tóngen jaǵdaida basqalaryna eskertýi kerek bolǵan. Igor Stepanov "Bekas-12M" myltyǵymen qorqytyp, bank qyzmetkerleri men klientteriniń áreketin baqylaǵan. Al Baýyrjan Ábilkárimov seiften qomaqty aqsha alýy kerek bolǵan.
Er adamdar josparyn 2020 jyldyń 15 qazanynda keshke oryndaǵan, biraq oqiǵa jospar boiynsha bolmady. Sotta Ábilkárimov áinekti syndyrǵan kezde qolyn jaraqattap, kassirdiń kiimine qan tamyzǵanyn, sondyqtan onyń kiimin sheship tastaǵanyn aitty. Sonymen qatar, ol seif bos bolǵanyn, sondyqtan kassadaǵy somany alǵanyn málim etti.
Resmi málimetter boiynsha, qaraqshylar bankke 2 394 830 teńge kóleminde materialdyq zalal keltirgen.
Nátijesinde, sot Ábilkárimov pen Stepanovty QR Qylmystyq kodeksiniń 192-baby 3-bóliginiń 2-tarmaǵy ("Qaraqshylyq") boiynsha kináli dep tanyp, 7 jylǵa bas bostandyǵynan aiyrdy.
Nartai Ómirzaqov ta Qylmystyq kodekstiń 192-baby boiynsha kináli dep tanyldy, biraq oǵan 190-bap ("Alaiaqtyq") boiynsha da aiyp taǵyldy. Anyqtalǵandai, 2019 jyly rieltor bolyp jumys istegen er adam 7 jaǵdaida páter satyp almaq bolǵan adamdardyń qarajatyn jymqyrǵan. Keltirilgen zalaldyń jalpy kólemi 60 million teńgeden asady. Jalpy alǵanda, sot Ómirzaqovty 8 jylǵa bas bostandyǵynan aiyrdy. Sot Ómirzaqovqa rieltorlar kompaniiasynyń qyzmetkerleri men satyp alýshylarǵa keltirilgen materialdyq zalaldy qaitarýdy mindettedi.
Sot úkimi zańdy kúshine endi. Olar jazasyn ortasha qaýipsizdik deńgeidegi mekemelerde óteidi.
Bir qyzyǵy, er adamdardyń qarý qoldanýǵa jáne saqtaýǵa ruqsaty bolǵan.
Nartai Ómirzaqov - úilengen, orta bilimi bar, jumysy bolǵan. Igor Stepanov - úilengen, orta bilimi bar, jumyssyz. Ábilkárimov - ajyrasqan, bilimi orta, jumyssyz. Olardyń eshqaisysy buryn sottalmaǵan.
Eske salaiyq, 2020 jyldyń 15 qazanynda Almatyda bank tonamaq bolǵandardyń videosy jariialanǵan. Jumys kúniniń sońynda eki er adam bank bólimsheleriniń birine kirip, kassa áinegin syndyryp, 2 million teńgeni alyp ketken. Oqiǵa beinebaqylaý kamerasyna túsip qalǵan.
