Pediatriia jáne balalar hirýrgiiasy ǵylymi ortalyǵynyń meditsina qyzmetkerleri vaktsinatsiianyń ekinshi kezeńinen ótti. Olar «Spýtnik-V» ekpesin saldyrdy, dep habarlaidy QazAqparat.
«Biz, basqa meditsinalyq uiymdar siiaqty COVID-19 pandemiiasy kezinde jumys isteimiz. Bul barlyq meditsina qyzmetkerleri úshin, tipti kovid anyqtalǵan patsienttermen tikelei bailanysta bolmaǵandar úshin de qaýipti. Sondyqtan biz klinika qyzmetkerlerin koronavirýs infektsiiasyna qarsy ekpeni erikti túrde vaktsinatsiialaýdy bastadyq. Egý aldynda dárigerler tekserýden ótti, vaktsinatsiiadan keiin jarty saǵat ótken soń olardy epidemiolog dáriger qaita tekserdi. Biz árbir qyzmetker úshin alańdaimyz jáne klinikada juqtyrýdyń aldyn alý boiynsha barlyq sanitarlyq normalardyń saqtalýyn qatań baqylaýda ustaimyz», - dep atap ótti basqarma tóraiymynyń orynbasary Lázzat Manjýova.
Pediatriia ortalyǵynyń anesteziology Gúljahan Abdýlaevanyń aitýynsha, koronavirýsqa qarsy ekpe ár adamǵa ártúrli áser etedi.
«Qazir, árine, bári juqtyrýdan qorqady. Biz qashyqtyqty, sanepidrejimdi saqtaimyz.Táýekel árqashan joǵary. Sondyqtan, vaktsinatsiia týraly jariialanǵannan keiin men birinshi bolyp tirkelip, ekpe saldyrdym. Bári jaqsy ótti, mende jaǵymsyz reaktsiialar bolǵan joq. Biraq kez kelgen vaktsinatsiiaǵa reaktsiia bolýy kerek ekenin atap ótkim keledi. Onyń áser etýi immýnitetke, deneniń sipattamalaryna bailanysty ár adamǵa ártúrli áser etedi. Mende jeńil bas ainalý, júrek ainý, tábettiń ózgerýi, uiqyshyldyq boldy. Temperatýra kóterilmedi. Inektsiia orny aýyrmady. Bul kórinister vaktsinatsiiadan keiingi ekinshi kúni neǵurlym aiqyn boldy, odan ári azaidy. Biz tek osylaisha vaktsina alyp, jappai immýnitet qalyptastyryp, pandemiiany toqtata alamyz jáne burynǵy qalypty ómirimizge orala alamyz», - dedi Pediatriia ortalyǵynyń anesteziolog mamany Gúljahan Abdýlaeva.
Eske salaiyq, 1 aqpanda Qazaqstanda COVID-19 koronavirýs infektsiiasyna qarsy vaktsinatsiialaý naýqany bastaldy.
