Almatyda balabaqsha kezeginde 18 myń búldirshin tur. Bul týraly qala basshysy Baqytjan Saǵyntaev «Almatynyń bilim bolashaǵy: jańa jaǵdaidaǵy perspektivalyq sheshimder» forýmynda aitty, dep habarlaidy "Ult aqparat".
Baqytjan Saǵyntaev «Almatynyń bilim bolashaǵy: jańa jaǵdaidaǵy perspektivalyq sheshimder» forýmynda mektepke deiingi mekemelerdegi oryn tapshylyǵyn sheshý maqsatynda 2020 jyldyń basynan beri 670 oryndy tórt memlekettik bóbekjailardyń paidalanýǵa berilgenin aitty. Aǵymdaǵy jyldyń sońyna deiin bir memlekettik balabaqshanyń qurylysy aiaqtalady jáne 520 oryndy taǵy úsh jańa balabaqshanyń qurylysy bastalady.
Qalada 361 jeke balabaqshalarǵa 17,5 oryndy memlekettik bilim tapsyrys berilgen. Degenmen, oryn tapshylyǵy azaimai tur. Óitkeni, ata-analar balalaryn jeke bala baqshalardaǵydai qosymsha tólemdi qajet etpeitin memlekettik balabaqshalarǵa bergileri keledi.
«Balalardy mektep jasyna deiingi tárbiemen qamtýdy ulǵaitý úshin biz Úkimetke jeke balabaqshalardaǵy qosymsha qyzmetterge ata-analardyń aqy tóleýin jartylai joiý jóninde usynys jasaǵan edik. Bizdiń bul usynysymyz qoldaý tapty, osy maqsat úshin jergilikti biýdjetten shamamen 3 mlrd teńgege jýyq qarjy bólinetin bolady», – dedi B. Saǵyntaev.
Osy oń sharanyń qolǵa alynýy arqasynda jeke balabaqshalarda qosymsha 5 myńǵa jýyn oryn ashylady dep kútilýde. Qalada 893 mektep jasyna deiingi mekemeler jumys isteidi, olardyń 189 (21,2%) memlekettik, 704 (78,8% jeke balabaqshalar. Búgingi kúni 3 jastan 6 jasqa deiingi 18 myńnan astam bala kezekte tur.
2021 jyly jobalyq qýattylyǵy 2 590 oryn bolatyn 13mektepke deiingi mekemeni pailanýǵa berý josparlanǵan. Ǵimarattardy qaitarý jáne olardy qaita qalpyna keltirý arqyly qosymsha 2200 oryn ashylatyn bolady. Osylaisha, 2020-2021 jyldary barlyǵy 12790 oryn qurylady, al bul bala baqsha kezegin 70%-ǵa tómendetedi.
