Almatyda «Baqytty otbasy» ortalyǵy arqyly myńǵa jýyq jumys orny ashyldy, dep habarlaidy "Ult aqparat".
«Baqytty otbasy» ortalyǵy bazasynda «ISKER ANA» baǵdarlamasy sátti iske asyrylýda.
Búgingi tańda «ISKER ANA» baǵdarlamasymen kópbalaly analarǵa tirkeý, zańgerlik jáne psihologiialyq kómekten bastap kásipkerlik negizderi boiynsha kýrstarǵa, biznes-jospar qurýǵa, óz biznesin ashýǵa, grant nemese mikrokredit alýǵa deiin jumys usynylady.
«Biylǵy kópbalaly jáne turmysy tómen otbasylardy jumysqa ornalastyryp, óz biznesin damytý maqsatynda demeýshiler arqyly Áýezov aýdanynda toqyma jáne azyq-túlik ónimderin qoldan satý úshin 4 saýda orny, atap aitqanda, «Tigrohaýd», «Arystan» saýda úilerinde, «Sary-Arqa» jáne «Arystan» bazarlarynda azyq-túlik orny ashyldy. Almaly aýdanynda «Áleýmettik tigin tsehy» (Almaty qalasy, Jibek joly kóshesi, 135) óz jumysyn bastady»,- deidi Almaty qalalyq «Baqytty otbasy» ortalyǵynyń basshysy Zýlfiia Baisaqova.
Sonymen qatar, Túrksib aýdanynda kópbalaly analardyń qoldan jasaǵan taýarlaryn satatyn «Isker Ana» saýda úii (Almaty qalasy, Súiinbai dańǵyly, 263) ashyldy. Saýda úiinde zamanaýi stildegi ulttyq kostiýmder, quraq-kórpe, ulttyq naqyshtaǵy áshekeiler, áielderge arnalǵan kiimder satylymǵa qoiyldy, sondai-aq kiimderdi óńdeý jáne jóndeý boiynsha qyzmet kórsetý kózdelgen.
Zúlfiia Baisaqova «Baqytty otbasy» ortalyǵynyń arqasynda myńǵa jýyq jumys orny ashylǵanyn atap ótti.
