Almatyda áielden 12 million teńge bopsalaǵan 40 jastaǵy almatylyq ustaldy, dep habarlaidy QazAqparat.
Kriminaldyq politseilerdiń aitýynsha, aqsha tabýdyń bul ádisin «Shańyraq» yqshamaýdanynyń D. esimdi 40 jastaǵy turǵyny qoldanǵan.
Sonymen qatar, buryn er adamnyń bótenniń múlkin urlaǵany úshin qylmystyq jaýapqa tartylǵany anyqtaldy.
«Politsiiaǵa 23 jastaǵy N. esimdi qyz júgindi, ol anasynyń tanysy áleýmettik jelige intimdik sipattaǵy sýretter men beinelerdi ornalastyramyn dep qorqytyp, bopsalaý arqyly 12 million teńge talap etip otyrǵanyn aitty. Bul fakt QR QK-niń 194-baby 3-bólimi boiynsha sotqa deiingi tergeýdiń biryńǵai tiziliminde tirkeldi. Jedel-izdestirý sharalary barysynda kúdikti ustaldy jáne ýaqytsha ustaý izoliatoryna qamaldy. Ol bul zańsyz áreketteriniń nátijesinde tanysynan joǵaryda atalǵan somanyń bir bóligin alǵandyǵyn moiyndady», – dedi Almaty qalasy PD Kriminaldyq politsiia basqarmasynyń bastyǵy Qýatbek Naýatov.
