Almatyda avtokólik urlyǵy beinekameraǵa túsip qaldy, dep habarlaidy "Ult aqparat" Polisia.kz saityna silteme jasap.
Megapolistiń beinebaqylaý júiesi 33 jastaǵy er adamnyń qylmysyn tirkedi.
«Birneshe kún buryn jergilikti turǵyn bizdiń bólimge aryzben júgindi. Ol túnde belgisiz bireý kóligine terezeni syndyryp kirip, qujaty men jeke zattaryn urlap ketkenin aitty. Jedel-izdestirý is-sharalary barysynda kúdikti ustalyp, ýaqytsha ustaý izoliatoryna qamaldy», – dedi Medeý aýdandyq politsiia basqarmasy bastyǵynyń mindetin atqarýshy Elnur Qudiretbaev.
Onyń aitýynsha, bul kúdiktiniń jasaǵan jalǵyz qylmysy emes. Osyǵan bailanysty jedel qyzmetter onyń basqa da urlyqqa qatysy bar-joǵyn tekserip jatyr.
