Foto: Ant Rozetsky / Unsplash
Áleýmettik jelide úsh adamnyń ólimine ákelgen Almatydaǵy avtobýs apatyna sebep bolǵan oqiǵanyń videosy tarady.
Almaty qalalyq politsiia departamentiniń málimetinshe, 22 jeltoqsanda saǵat 18:15-te №47-baǵyttaǵy qoǵamdyq kóliktiń (jeke tasymaldaýshy – «DýmanTransKom» JShS) ishinde jolaýshy janjal shyǵaryp, júrgizýshi áieldi urǵan, saldarynan ol esinen tanyp, kólikti basqara almai qalǵan.
Baqylaýdan shyǵyp ketken qoǵamdyq kólik aialdamada turǵan adamdardy qaǵyp, tórt kólikpen soqtyǵysqan.
Kris_p_almaty Telegram-arnasynda jariialanǵan videoda er adam júrgizýshimen sóilesip turyp, keiin eki ret uryp jibergeni kórinedi. Osy sátte basqa jolaýshy olarǵa ara túspek bolady. Keiin kólik soqtyǵysqan sát te videoǵa túsip qalǵan.
