Almatyda avtobýs jaiaý júrginshi ótkelimen joldy kesip ótpek bolǵan qyzdy qaǵyp ketti, dep habarlaidy "Ult aqparat".
Oqys oqiǵanyń videosy áleýmettik jelide taraldy. Beinekadrda jol shetinde turǵan qyzdyń jaiaý júrginshi jolaǵyna júgirip shyqqany túsip qalǵan. Sol sátte tejegishti basyp úlgermegen avtobýs qyzdy qaǵyp ketti.
Qalalyq PD baspasóz qyzmetiniń habarlaýynsha, oqiǵa búgin tańǵy 8:30-da Jetisý aýdanynda bolǵan.
«Liaz» avtobýsynyń júrgizýshisi Á.Jangeldin kóshesimen soltústikke baǵytta kele jatyp 18 jastaǵy boijetkendi qaǵyp ketti. Qyz jaiaý júrginshiler jolymen ótpek bolǵan», - dedi PD baspasóz qyzmetinen.
Boijetken oqiǵa ornynan oblystyq aýrýhanaǵa jetkizildi.
Bul derekti qazir Jetisý aýdandyq PB tekserip jatyr.
