Almatyda aryqtan tabylǵan náresteniń ómirine qaýip tónip turǵan joq. Bul týraly qalalyq Qoǵamdyq densaýlyq saqtaý basqarmasy málim etti, dep habarlaidy "Ult aqparat".
«Keshe túngi saǵat 00:38-de Raiymbek dańǵylynda ornalasqan «Maxima» oiyn-saýyq saýda ortalyǵynyń mańyna jedel meditsinalyq járdem qyzmetine shaqyrtý tústi. Oqiǵa ornyna jetken mamandar salmaǵy 3 keli, boiy 52 sm bolatyn jańa týǵan nárestege alǵashqy meditsinalyq kómek kórsetip, birden balalarǵa shuǵyl meditsinalyq kómek kórsetý ortalyǵyna jetkizdi. Qabyldaý kezinde balanyń jaǵdaiy gipotermiiaǵa bailanysty aýyr bolǵan (dene temperatýrasy 34,5). Qazir jaǵdaiy ortasha, dene temperatýrasy qalypty. Náreste belsendi túrde ózdiginen eme alady», – dep habarlady basqarmadan.
Qazir jańa týǵan náresteni № 2 balalar aýrýhanasyna aýystyrýǵa daiyndap jatyr. Ol jerden tolyq tekserilgennen keiin balalar úiine jiberiledi.
