Almatyda sot ánshi Kseniia Ashyǵalievanyń isine qatysty úkim shyǵardy, dep habarlaidy "Ult aqparat".
2019 jyldyń 29 maýsymynda almatylyq ánshi Kseniia Ashyǵalieva kúieýi Baýyrjan Ashyǵalievtiń ózin soqqyǵa jyqqanyn aityp, aiyptaǵan edi.
Politsiia bul aryzdyń negizinde QR QK 126-babynyń 2-bólimimen sotqa deiingi tergeý isin tirkegen bolatyn.
Búgin atalǵan is boiynsha sot úkimi shyqty.
Sýdia aiyptalýshy Baýyrjan Ashyǵalievti qylmystyq quramy joq bolǵandyqtan aiypsyz dep tapty.
Is materialdaryna sáikes, jinalǵan dálelder aiyptalýshy men kýágerlerdiń jaýaptaryna sáikes kelmegen.
Sýdia sonymen qatar, Almaty qalalyq PD basshysyna Baýyrjan Ashyǵalievti zańsyz qylmystyq jaýapkershilikke tartqany úshin qaýly shyǵardy.
«Jackpot» tobynyń ánshisi Kseniia Ashyǵalieva men onyń kúieýi, gitarist Baýyrjan Ashyǵalievtiń arasyndaǵy otbasylyq daý-janjal kópshiliktiń nazaryna ilikken edi. Ánshi óziniń basynan ótken jaitty áleýmettik jeli arqyly jariialady. Onyń aitýynsha, kúieýi ony jertólege aparyp, uryp-soqqan.
