Kámelettik jasqa tolmaǵan almatylyqqa anasyn óltirgeni úshin meditsinalyq sipattaǵy májbúrleý sharalary qoldanylady, dep habarlaidy QazAqparat.
8 qańtarda 15 jasar jasóspirim úiinde qysqatolqyndy peshti paidalanyp qaǵazdardy órtep jibergen. Órtti baiqaǵan ana oǵan eskertý aityp, otty sóndiredi. Sol sátte jasóspirim ashana pyshaǵyn alyp, onyń moiny men keýdesine birneshe ret suǵyp alǵan. Áiel oqiǵa ornynda kóz jumdy.
Sot-psihiatriialyq saraptamanyń qorytyndysy jasóspirim qylmys jasaý kezeńinde psihikalyq buzylýlarǵa bailanysty (paranoidty shizofreniia) óziniń áreketiniń qaýiptiligin sezine almaitynyn anyqtady.
«Kámeletke tolmaǵan jigit sot úkimimen qylmystyq jaýapkershilikten bosatyldy. Oǵan meditsinalyq sipattaǵy májbúrleý sharalary taǵaiyndaldy (psihiatriialyq statsionarda májbúrlep emdelý», - dedi Almaty qalalyq qylmystyq ister jónindegi mamandandyrylǵan aýdanaralyq soty.
Úkim zańdy kúshine engen joq.
