Almatyda kúnine 6000 qyzmet kórsetetin mamandandyrylǵan halyqqa qyzmet kórsetý ortalyǵy ashyldy, dep habarlaidy "Ult aqparat".
Jańa avto HQO qaladaǵy basqa mamandandyrylǵan halyqqa qyzmet kórsetý ortalyqtarynyń júktemesin azaityp, qyzmetterdiń sapaly ári jyldam kórsetilýine múmkindik beredi.
«Biz almatylyqtardyń ótinishin eskerip, avto HQO-daǵy qyzmet alýshylardyń kóptigine bailanysty problemany sheshý úshin osy óńirde taǵy eki avto HQO ashyp otyrmyz. Elimizdegi eń úlken avtobazar Almatyda, ózge oblys ortalyǵynyń kólik ieleri de osynda qujattaryn jasatyp, satyp alǵan kólikterin qaita tirkep jatady. Jańa ortalyq olarǵa avtoqyzmetterdi alý retin jeńildetedi», – deidi «Azamattarǵa arnalǵan úkimet» memlekettik korporatsiiasynyń basqarma tóraiymy Ásemgúl Baltasheva.
№6 mamandandyrylǵan HQO Almaty qalasynyń Kemel shaǵyn aýdany, Aqsýat kóshesi 118 mekenjaiynda ashyldy. Ortalyqtyń jalpy aýmaǵy 1000 sharshy metr. Ortalyqta 30 qyzmet ústeli bar, qosymsha ózine-ózi qyzmet kórsetý zaly qarastyrylǵan. Ortalyqtaǵy kútý zaly 200 orynǵa arnalǵan. 300 kólikke arnalǵan avtoturaq jumys isteidi. Jańa ortalyq №1 jáne №2 avto HQO júktemesin 30 % azaitady.
«Aita keteiik, elimizdiń barlyq oblysynda mamandandyrylǵan HQO jumys isteidi. Kólik ieleri onda júrgizýshi kýálikterin aýystyryp, kólikterin qaita tirkeýge qoiyp, júrgizýshi kýáligin alý úshin emtihan tapsyra alady. Alǵashqy eki qyzmetti avto HQO-ǵa barmai-aq, onlain alýǵa bolatynyn da eskertemiz. Ol úshin kólik iesiniń elektrondy tsifrlyq qoltańbasy bolý kerek», - dedi «Azamattarǵa arnalǵan úkimet» memlekettik korporatsiiasynyń basqarma tóraiymy Ásemgúl Baltasheva.
