الماتىدا كٷنٸنە 6000 قىزمەت كٶرسەتەتٸن مامانداندىرىلعان حالىققا قىزمەت كٶرسەتۋ ورتالىعى اشىلدى, دەپ حابارلايدى "ۇلت اقپارات".
جاڭا اۆتو حقو قالاداعى باسقا مامانداندىرىلعان حالىققا قىزمەت كٶرسەتۋ ورتالىقتارىنىڭ جٷكتەمەسٸن ازايتىپ, قىزمەتتەردٸڭ ساپالى ەرٸ جىلدام كٶرسەتٸلۋٸنە مٷمكٸندٸك بەرەدٸ.
«بٸز الماتىلىقتاردىڭ ٶتٸنٸشٸن ەسكەرٸپ, اۆتو حقو-داعى قىزمەت الۋشىلاردىڭ كٶپتٸگٸنە بايلانىستى پروبلەمانى شەشۋ ٷشٸن وسى ٶڭٸردە تاعى ەكٸ اۆتو حقو اشىپ وتىرمىز. ەلٸمٸزدەگٸ ەڭ ٷلكەن اۆتوبازار الماتىدا, ٶزگە وبلىس ورتالىعىنىڭ كٶلٸك يەلەرٸ دە وسىندا قۇجاتتارىن جاساتىپ, ساتىپ العان كٶلٸكتەرٸن قايتا تٸركەپ جاتادى. جاڭا ورتالىق ولارعا اۆتوقىزمەتتەردٸ الۋ رەتٸن جەڭٸلدەتەدٸ», – دەيدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارما تٶرايىمى ەسەمگٷل بالتاشەۆا.
№6 مامانداندىرىلعان حقو الماتى قالاسىنىڭ كەمەل شاعىن اۋدانى, اقسۋات كٶشەسٸ 118 مەكەنجايىندا اشىلدى. ورتالىقتىڭ جالپى اۋماعى 1000 شارشى مەتر. ورتالىقتا 30 قىزمەت ٷستەلٸ بار, قوسىمشا ٶزٸنە-ٶزٸ قىزمەت كٶرسەتۋ زالى قاراستىرىلعان. ورتالىقتاعى كٷتۋ زالى 200 ورىنعا ارنالعان. 300 كٶلٸككە ارنالعان اۆتوتۇراق جۇمىس ٸستەيدٸ. جاڭا ورتالىق №1 جەنە №2 اۆتو حقو جٷكتەمەسٸن 30 % ازايتادى.
«ايتا كەتەيٸك, ەلٸمٸزدٸڭ بارلىق وبلىسىندا مامانداندىرىلعان حقو جۇمىس ٸستەيدٸ. كٶلٸك يەلەرٸ وندا جٷرگٸزۋشٸ كۋەلٸكتەرٸن اۋىستىرىپ, كٶلٸكتەرٸن قايتا تٸركەۋگە قويىپ, جٷرگٸزۋشٸ كۋەلٸگٸن الۋ ٷشٸن ەمتيحان تاپسىرا الادى. العاشقى ەكٸ قىزمەتتٸ اۆتو حقو-عا بارماي-اق, ونلاين الۋعا بولاتىنىن دا ەسكەرتەمٸز. ول ٷشٸن كٶلٸك يەسٸنٸڭ ەلەكتروندى تسيفرلىق قولتاڭباسى بولۋ كەرەك», - دەدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارما تٶرايىمى ەسەمگٷل بالتاشەۆا.
