Búgin «Altyn orda» bazary mańyndaǵy «Almaty-Raiymbek» ýchaskesinde jańa bas magistraldyq estakada paidalanýǵa berildi. Ashylý saltanatyna QR Indýstriia jáne infraqurylymdyq damý ministri Beibit Atamqulov pen Almaty oblysynyń ákimi Qanat Bozymbaev qatysty, dep habarlaidy QazAqparat tilshisi.
Avtojol ýchaskesinde basty magistraldyq estakada, «taǵa» úlgisindegi burylys estakadasy, Aqsai ózeni arqyly ótetin kópir jáne jerústi jaiaý júrginshiler kópiri salyndy.
Sonymen qatar, tranzittik, qoǵamdyq jáne jergilikti kólikter úshin 4 shaqyrymdyq injenerlik kommýnikatsiialar qaita ornatylyp, 10 jolaqty jol salyndy.
Jobaǵa 200-den astam jumysshy men 50 tehnika, onyń ishinde monolitti aralyq qurylys jumystaryn qamtýǵa arnalǵan kúrdeli jabdyqtar tartyldy.
«Altyn orda», «Barlyq» bazary men «Moll Aport» saýda - oiyn-saýyq ortalyǵynyń ornalasqan jerin eskersek, estakadada qozǵalystyń ashylýy jol ýchaskesiniń ótkizý qabiletin arttyryp, halyqqa qolaily jaǵdai jasaidy.
Sonymen qatar, azamattardyń biznes júrgizýi úshin infraqurylym problemalaryn sheshýde oń áser etedi.
