Foto: ashyq derekkóz
24 tamyzda Almatyda alǵash ret Gran Fondo álem chempionaty ótedi, dep habarlaidy Ult.kz.
Bul – áýesqoi velosporttaǵy eń bedeldi jarystardyń biri. Dodaǵa ár elden kelgen 500-den astam sportshy qatysady. «Absoliýt» sanatynda jeńiske jetken sportshy Gran Fondo World Tour nusqasy boiynsha álem chempiony atanady, dep habarlaidy Ult.kz.
Jarys baǵyty qala kósheleri men Ile Alataýynyń ásem bókterin qamtidy. Gran Fondo chempionatynyń ereksheligi – ashyq formatta ótýi: daiyndyq deńgeiine qaramastan kez kelgen adamnyń qatysa alady.
Gran Fondo tarihy bir ǵasyrdan astam ýaqyt buryn Italiiada bastalǵan. Búginde bul jarys álem boiynsha milliondaǵan velosport áýesqoilaryn biriktiredi.
Iri sporttyq sharaǵa bailanysty 24 tamyz kúni saǵat 04:30-dan 09:30-ǵa deiin ál-Farabi dańǵylynda kólik qozǵalysy shekteledi. Qala turǵyndaryna 2GIS qosymshasy, «Iandeks kartalar» jáne @AlmatyJoly Telegram arnasy arqyly baǵyttaryn aldyn ala josparlaý usynylady.
