© instagram/almaty___dtp
Almaty politsiiasy áleýmettik jelide jariialanǵan videodan keiin kólik júrgizýshisin jaýapqa tartty, - dep habarlaidy Tengrinews.kz.
Jelide kólik terezesinen bastaryn shyǵaryp ersi qylyq istegen eki qyzdyń videosy taraǵan bolatyn. Bul video politseilerdiń nazaryna ilinip, Almaty qalalyq IID bastyǵynyń orynbasary Rýstam Ábdirahmanov tekserý júrgizýge ýáde bergen. Nátijesinde jol erejesin buzǵan kólik júrgizýshisi anyqtaldy. Ol 1996 jyly týǵan N. esimdi er adam bolyp shyqty.
"Azamat N. QIJK 593-babynyń 1-bóliginde kózdelgen ákimshilik quqyq buzýshylyqty jasaǵany úshin (Toyota Corolla avtokóligi) jaýapkershilikke tartyldy.
Ákimshilik quqyq buzýshylyq týraly hattama: 227583230010580 11.05.2022 jyly tirkeldi. Joldarda mundai minez-qulyqqa jol berilmeitinin eske sala keteiin", - dedi Ábdirahmanov Instagram-paraqshasynda.
