Almatyda áleýmettik jeli arqyly eldi aldaǵan eki jas jigit ustaldy, dep habarlaidy QazAqparat.
Almatynyń kriminaldyq politsiiasy Instagram-da «brend kiimderdi satamyz» degen jarnamamen adamdardy aldap ketken eki jergilikti turǵyndy ustady.
«Alaiaqtyq tizbegi óte qarapaiym bolǵan. Ustalǵandardyń biri – 25 jastaǵy I.esimdi azamat áleýmettik jelide «almaty.sneaker» jáne «top.sneakerkross» paraqshasy bar. Onda ol túrli-tústi sýretter men jeńildikter týraly aqparattar jariialanǵan. Al 19 jastaǵy onyń seriktesi bolashaq satyp alýshylarmen bailanysyp, tapsyrys pen tólemderdi qabyldaǵan. Olar túsken paidany teń bólisip alyp otyrǵan», – deidi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.
Qazirgi ýaqytta kúdiktilerge qatysty QR QK-niń 190-baby 2-bólimi 4-tarmaǵy (alaiaqtyq) boiynsha sotqa deiingi tergeý júrgizilip jatyr.
Eske sala ketsek, jyl basynan beri Almatyda 2 myńnan astam internet-alaiaqtyq tirkeldi.
