Búgin Almaty qalasy Almaly aýdanynyń «Baqytty otbasy» ortalyǵy janynan áleýmettik tigin tsehy ashyldy, dep habarlaidy "Ult aqparat".
Tigin sheberhanasyn ashýdyń basty maqsaty – áleýmettik kásipkerlikti damytý, Almaly aýdanynyń kópbalaly jáne az qamtylǵan otbasylaryn jumysqa ornalastyrý.
«Almaly aýdanynyń «Baqytty otbasy» ortalyǵymen birlesip áleýmettik tigin tsehyn ashtyq. Basty maqsat – áleýmettik kásipkerlikti damytý, analardy kásipke baýlý jáne naryqtyń qajettiligin zerttei bilý. «Jibek joly» biznes ortalyǵynyń iesi áleýmettik biznes jaýapkershilik aiasynda ǵimarattan bir bólmeni tegin berip otyr», - deidi Almaly aýdany ákiminiń orynbasary Ainur Bekjanova
Búgingi tańda tsehqa 15 kópbalaly ana jumysqa ornalastyryldy. Olar tigin óndirisi boiynsha tájiribeli mamannyń basshylyǵymen ózderiniń praktikalyq daǵdylaryn damyta alady. Sonymen qatar, tseh qyzmetkerlerinde «Qoldaý» kásipkerlik ortalyǵynyń «Tabysty tigin biznesin qalai iske qosý kerek» atty onlain oqýynan ótý múmkindigi bar.
«Tigin tsehynda oqý jáne jumys isteý kezinde kópbalaly analar tigin óndirisi boiynsha barlyq kásibi qupiialar men usaq-túiekterdi úirenedi jáne óz biznesin bastap jáne júrgize alady», – dep qortyndylady ol.
