Almatylyqtardy dári-dármekpen jáne meditsinalyq buiymdarmen úzdiksiz qamtamasyz etý máselesi jiti baqylaýda. Bul týraly Almaty qalasy kásipkerlik jáne investitsiialar basqarma basshysynyń orynbasary Qarlyǵash Ábdijabbarova onlain brifingte aitty, dep habarlaidy QazAqparat.
«Ákimdik, jetkizýshiler jáne dárihanalar arasynda kelisim jasaldy. Dárihanalardyń tizimi belgilendi, olarǵa áleýmettik mańyzy bar dári-dármekter men meditsinalyq mańyzy bar buiymdardyń 69 ataýy jetkizilip turady. Qazirgi ýaqytta, bul tizim 105 júie quraýshy dárihanadan 374 dárihanaǵa deiin kóbeitildi. Bul sondai-aq dárilerdiń jetkizilimin, olardyń baǵalary men satylýyn retteýge múmkindik beredi»,– dedi Qarlyǵash Ábdijabbarova.
Sonymen qatar, ol dárihanalarǵa kún saiyn monitoring júrgiziletinin atap ótti.
«Búgingi kúni asa qajetti 22 dári-dármektiń ataýy anyqtaldy, onyń ishinde qyzýdy túsiretin dáriler, antibiotikter, antikoagýliant, gormonaldy, bir rettik meditsinalyq maskalar bar «, – dedi spiker.
