Foto: MAM
Almatyda belgili aqyn, Halyqaralyq «Alash» ádebi syilyǵynyń laýreaty, filologiia ǵylymdarynyń kandidaty, dotsent Ádilǵazy Qaiyrbekovtiń 70 jasqa tolýyna orai shyǵarmashylyq kesh ótti, dep habarlaidy Ult.kz.
Is-shara barysynda mereitoi iesine QR Prezidenti Qasym-Jomart Toqaevtyń Alǵys haty men «Altyn Barys» tósbelgisi tabystaldy. Sonymen qatar QR Mádeniet jáne aqparat ministri Aida Balaevanyń quttyqtaý haty oqyldy. Kesh aiasynda aqynnyń «Ǵazalǵumyr», «Kók dápter», «Ádilǵazy Qaiyrbekov» bibliografiialyq kórsetkishiniń tanystyrylymy boldy.
Foto: MAM
Kelgen kórermenge «Ádilǵazynyń ádemi álemi» beineroligi kórsetilip, zamandas dostary aqyn ómiriniń qyzyqty sátterin bólisip, shyǵarmashylyǵy, ǵylymi eńbekteri týraly sóz qozǵady.
Mereitoi aiasynda Ulttyq kitaphana qory men avtordyń jeke muraǵatynan Ádilǵazy Qaiyrbekovtiń ómiri men shyǵarmashylyǵyna arnalǵan kórme uiymdastyryldy.
