Almatyda "Aqsai" saýda úiinen órt shyqty, - dep habarlaidy Tengrinews.kz tilshisi qalalyq TJD baspasóz qyzmetine silteme jasap.
TJD málimetinshe, 20 qarashada saǵat 13.45-te órtsóndirýshiler oqiǵa ornyna joǵary shaqyrýmen shyǵyp, 6 minýttan jetken. Olar kelgende "Aqsai" saýda úiiniń birinshi jáne ekinshi qabatynda 150 sharshy metr alańda býtikter órtenip jatqan.
Úsh ámbebap oqpan men bir lafettik oqpan ornatylady, gaz-tútinnen qorǵaý qyzmetiniń 3 toby jáne tútin joiý avtomobili jumyldy. AD 120 tútin joiǵysh avtomobili janyp jatqan zattardyń kontsentratsiiasyn tómendetý jáne kórinýdi jaqsartý úshin qoldanyldy.
Almaty qalasy TJ departamenti ókilderi órt 14.05-te aýyzdyqtalyp, 14.12-de sóndirilgenin habarlady.
Qaza bolǵandar men zardap shekkender joq. Órt bastalǵanda ǵimaratta kelýshiler bolmaǵan. Eki býtik qana janǵan, joǵarǵy býtikter bos bolǵan.
