Foto: Jazýshylar odaǵy
Qazaqstan Jazýshylar odaǵy uiymdastyrýymen Qazaqstan Respýblikasy Ulttyq kitaphanasy ǵimaratynda dástúrli Ádebi jyl qorytyndysy ótti, dep habarlaidy Ult.kz.
Alqaly jiyndy Jazýshylar odaǵy Basqarmasynyń tóraǵasy Mereke Qulkenov ashyp, qazaq ádebietiniń ult rýhynyń ainasy ekenin atap ótti. Onyń aitýynsha, ótken jyl ádebiet úshin tabysty bolyp, jańa týyndylar men jarqyn esimderge toly boldy.
Jiyn barysynda Odaqtyń 2025 jyly atqarǵan jumystary týraly arnaiy beinematerial usynylyp, ádebi bastamalar men mádeni jobalar keńinen tanystyryldy. Sonymen qatar, Nurdáýlet Aqysh, Júsipbek Qorǵasbek jáne Janar Ábdishova túrli jobalar men uiym jumysy týraly baiandama jasady.
Kún tártibinde ádebiet pen tehnologiia, til jáne oqyrman mádenieti taqyryptary da qamtyldy. Atap aitqanda, Anar Fazyljan qazaq tiliniń ulttyq korpýsy týraly, Beknur Kisyqov «Kitap elshileri» bastamasy jóninde, al Ainur Ahmetova ádebiette jasandy intellektini qoldaný múmkindikteri týraly baiandama jasady.
Shara aiasynda halyqaralyq «Alash» jáne «Ertóstik» ádebi syilyqtary tabystalyp, «Qazaq ádebieti» gazetinde jariialanǵan úzdik shyǵarmalardyń avtorlary marapattaldy. Sondai-aq birqatar qalamger Jazýshylar odaǵyna múshelikke qabyldandy.
Jiyn barysynda proza, poeziia, dramatýrgiia, aýdarma, satira, balalar ádebieti jáne ózge de baǵyttar boiynsha arnaiy baiandamalar jasalyp, salanyń ózekti máseleleri jan-jaqty talqylandy.
Ádebi jyl qorytyndysy 10 sáýir kúni janrlyq sektsiialar jumysy aiasynda jalǵasyp, onda filialdardyń esebi men aldaǵy jylǵa arnalǵan josparlar qaraldy.
