Almatyda «Almaty – Adaldyq alańy» jobasy aiasynda ál-Farabi dańǵylynda «Óz elińdi buzba» atty úlken sýret salynyp bitti, dep habarlaidy "Ult aqparat".
Alyp kartina Meńdiqulov pen Dostyq kósheleriniń arasynda Ál-farabi dańǵylynda ornalasqan úilerdiń biriniń qabyrǵasyna salyndy. Sýrette para alǵan qyzmetkerdiń ustalyp jatqany beinelengen.
QR Sybailas jemqorlyqqa qarsy qyzmetiniń habarlaýynsha, bul týyndy halyq arasynda adaldyq, ádildik qasietterdi nasihattaýǵa baǵyttalǵan.
«Halyq arasynda adal ári ádil urpaq tárbieleý, halyqpen osy baǵytta keri bailanys ornatý mańyzdy. Azamattardyń únine qulaq asyp, olardyń muń-muqtajyn tyńdaý bilýimiz kerek», - dedi sybailas jemqorlyqqa qarsy qyzmettiń tóraǵasy Alik Shpekbaev ashylý saltanatynda.
«Mundai mádeni nysandar halyq sanasyn ózgertýge, sybailas jemqorlyqqa qarsy mádenietti qalyptastyrýǵa serpin beredi», - dedi qalalyq Sybailas jemqorlyqqa qarsy vedomstvo basshysy Nyǵmedjan Saparov.
Joba avtorlary sybailas jemqorlyqqa qarsy kúreste elimizdiń ár azamatynyń qosar úlesi mol ekenin aitty.
