Almatyda Abai dańǵylyn uzartý jumystary aiasynda Áshimov kóshesiniń qiylysyndaǵy kópir ashyldy. Estakadanyń uzyndyǵy – 396 metr, ár baǵytta tórt jolaq bar, dep habarlaidy QazAqparat.
Almaty qalalyq Mobildilik basqarmasynan málim etkendei, Iasaýi kóshesinen Bereke kóshesine deiingi ýchaske boiynsha qozǵalys ýaqytsha jabyq. Nysandaǵy qurylys jumystaryn 2022 jyldyń qyrkúiegine deiin aiaqtaý josparda. Munda jan-jaqqa shyǵatyn joldardyń jiegin ornatý, aýmaqty abattandyrý, jerústi jaiaý júrginshiler ótkelderin salý, joǵarǵy qabatqa asfaltbeton jabynyn tóseý jáne taǵy basqa jumystar oryndalatyn bolady.
Abai dańǵylynan shyǵatyn eki aiyryq joldy jasaý aiaqtalǵanǵa deiin Áshimov kóshesiniń qiylysyndaǵy kólik qozǵalysy baǵdarshammen retteý ýaqytsha uiymdastyryldy.
Áleýmettik jelilerde atalǵan ýchaskeni kvadrokopterdiń kómegimen túsirilgen video paida boldy.
