Almatyda 75 myńnan astam oqýshy men 2 myńnan astam muǵalimge kompiýter jetispeidi. Bul týraly qalalyq Bilim basqarmasy basshysynyń orynbasary Qairat Jumanov onlain brifing barysynda málim etti, dep habarlaidy "Ult aqparat".
«Qashyqtan oqytýǵa balalardyń tehnikalyq daiyndyǵyn qamtamasyz etý qolǵa alyndy. Osy maqsatta balalardyń jáne muǵalimderdiń kompiýtermen qamtylýyn anyqtaý maqsatynda monitoring júrgizildi. Nátijesinde 75 myńnan astam balanyń jáne 2 myńnan astam muǵalimdi kompiýtermen qamtamasyz etý qajettiligi týyndap otyr. Atalǵan máseleni sheshý qolǵa alyndy», – deidi Qairat Jumanov.
Sonymen qatar, ol qashyqtan oqytý formatynda jumys isteý úshin muǵalimderdiń daiyndyqtan ótkenin jetkizdi.
«2020 jylǵy 5 tamyzdan bastap muǵalimderdiń tsifrlyq saýattylyǵyn jetildirý jáne olardy Bilimland.kz, Opiq.kz, Kundelik.kz, Microsoft.Teams atty platformalarmen jumys isteýge úiretý boiynsha onlain kýrstar uiymdastyryldy. Búgingi kúni 15 444 muǵalim oqydy. Sondai– aq, internet jelisimen qamtylmaǵan 22 myńnan astam oqýshyǵa SIM-kartalar beriletin bolady», – deidi ol.
