Almatyda biyl «Eńbek» nátijeli jumyspen qamtýdy jáne jappai kásipkerlikti damytý baǵdarlamasy aiasynda 700 ana óz kásibin bastady, dep habarlaidy "Ult aqparat".
Jańa baǵdarlama týraly áleýmettik jelidegi paraqshasynda qala ákimi Baqytjan Saǵyntaev jazdy.
«Kópbalaly analardy qoldaý úshin birqatar baǵdarlamalar júzege asyrylýda. Ótken jyly barlyq aýdanda kópbalaly jáne az qamtylǵan otbasylaryna arnalǵan «Baqytty otbasy» áleýmettik jobasyn ashtyq. Joba aiasynda áielderdi iskerlik belsendilikke tartý maqsatynda «Isker ana» baǵdarlamasy iske asyrylýda. Kýrsta kásipkerliktiń álippesi úiretiledi.
Biyl «Eńbek» nátijeli jumyspen qamtýdy jáne jappai kásipkerlikti damytý baǵdarlamasy aiasynda kópbalaly jáne az qamtylǵan otbasylardan shyqqan 700-ge jýyq ana óz biznesin ashyp, biznes-ideialaryn júzege asyrý úshin 200 AEK-ke deiingi mólsherde grant aldy.
Búginde olar tigin men toqyma buiymdaryn, ulttyq kiim men áshekeilerdi, ydys-aiaqtar jáne basqa da taýarlardy shyǵarady. Bul ónimderin olar Túrksib aýdanynda metsenattardyń qoldaýymen ashylǵan «Isker ana» arnaiy dúkeninde sata alady», - dedi Baqytjan Saǵyntaev.
Buǵan deiin «Baqytty otbasy» ortalyqtarynyń 30 myńǵa jýyq adamǵa qyzmet kórsetkenin jazǵan bolatynbyz.
